Pagine

Clique para entrar

RÁDIO AMICI DEL TALIAN NO AR

terça-feira, 25 de dezembro de 2018

El vecieto (babo Natale) esiste si!

Ntel di 24 de disembre de 2018, son stato invità par esser el Babo Natale ntel mio laoro. Ricever le persone e darghe dolsi a i ciei. In quel momento go dito de si, parché me piase de cose nuove ma in quel àtimo non me gavevo nicorto cosa ze esser el Babo Natale.
L'é tanto de pi che doperar robe rosse (Mi gavevo robe asure parché ze el color del mercà), barba bianca e stivai. L'é una responsabilità e una divisa(farda) che bisogna esser onorata come ogniun'altra. L'é busia se qualche persona dir che qualcun puo esser el Babo Natale, suito me go nicorto che nò.
Ricever struconi  e sorisi veri dei inocenti presto me ga fato nincorder dela gran responsabilità che mi gavéa de cumpir.
Me nicordea ancora de piu a ogni bambino che coreva parlando cossì.
 - Babo Natale, varda mi qua!

Una toseta de due ani me ga dito vardando ntei miei òcii.
- Babo Natale, tu sei tanto belo, io te amo.

Go fato un viàio ntel tempo, go fato un viàio fin la me infànsia quando mi ero involto in questa magia, in che el mondo l'era piu colorato, i oséi cantàvano de piu, le persone èrano piu amiche e fraterne. el mondo gavea piu speransa. Me go nicorto de due robe. Prima, che gavemo bisogno de veramente tornar a esser bambini. Ma questo ze fàcile, basta vardar atentamente par lori, ciacolar con lori, sentir quelo che lori séntono, smorsarse par un àtimo che sìa del mondo adulto e alora reviver questa magia. La seconda cosa che mi go nicorto l'é che el Babo Natale esiste si, noantri adulti che non vedemo, orbi par i soldi e le cose mundane.

Tradução para português, clique aqui.



Por: Jaciano Eccher
Ver toda a postagem/Vedere tutto ››

domingo, 23 de dezembro de 2018

Stòrieta de Nadal - Ademar Lizot

Ascoltemo le Lizot:


                                                   Stòrieta de Nadal

     Ntea note de nadal de 1944 el paese dei nostri noni, la bela Itália zera soto batàlie de ferossità dela più bruta guera de tuti tempi che se incaminea a so dramàtico fine  quando i esèrsiti  aliadi, insieme dei Paritigiani, i combatenti  d`Itália, í gaveva ariva a l`é provinsie del paese Veneto. El esèrsito dela Germania ancora fea el infrontamento con determinassion, però sensa speransa de trionfar. L`éra un tempo de perversità e crueltà che portea  una soferansa insuportàbile al popolo Italiano,  soratuto ai  vècii e bambini, tutiquanti sensa speransa, con fame e fredo.  Cossì ze la guera, la più granda stupidità dei omeni.
     Nte quel ano ga vignesto l`inverno più gèla de tuti tempi ale porte dela provìnsia de Treviso, con neve par sora í gramadi, erba, piante e querti dele case e nte la note de nadal, quando nel ciel ga slusà la stela dela pace anunsiando quel Bambin Gesù l`éra  nato, in quel  momento ga vignesto insieme de quela luminosità la forsa pi potente del mondo, la forsa del amor sensa fin de Nostro Signor Gesù Cristo, che ga porta sentimenti de pace anca al cuor dei signori dela guera        e cossì i ga ferma l`é batàlie. Alora quando i canoni e metraliatrisse se ga ferma, vècii e bambini con fame  e fredo  i ga andato  in serca de socorso ntel acampàgio dei esèrsiti aliadi.
     Prima i ga domanda aiuto ai soldati dela trupa d`inglesi. I ga dito:.. Felice nadal! Bisognemo de vostro aiuto parvia che gavemo fame e fredo. El capitan con so flèoma ga rispondesto:..Noantri soldati dela Regina semo qua par copar Tedeschi e nò darghe de magnar ai Italiani, cossì ande via de qua!
   Dopo ntel acampàgio dei soldati dela Mèrica, i ga dito:...Felice nadal! Bisognemo de vostro aiuto, gavemo fame e fredo.  El capitan un gueriero pien de determinassion e arogansa,  ga rispondesto:..Posso darghe la vansadura del magnar dela trupa e dopo ande via de qua!
    Cossì ancora  mal nutridi parvia  de quel magnar fredo e agro, i ga scominsia a ritornar casa. Dopo de mesa ora quei caminea ntea neve  sensa speransa, i ga scominsia a scoltar a lontan una cancion de nadal e quela melodia belíssima l`èra come un ciamamento a tutiquanti, par andar in quela diression.  Alora, a lontan i ga visto una bandiera che sgorleva al vento, con colori de serenità e pace, la bandiera del Brasil e soto  gaveva de sentinela un soldà con la pel mora del sol, che quando el ga visto vècii e bambini mal nutridi e con fredo, el ga sentisto nel cuor  un sgrisolon de pietà, parvia che cossì ze la gente del Brasil.
      Al comandate i ga dito:... Signor felice Nadal, bisognemo de vostro aiuto, gavemo fame e fredo. El capitan del esèrsito Brasilian, zera un omo de coraio e soratuto de cuor pien de bontà, alora in silensio el ga alsa su ntei bràssi un bambin che gaveva la someiansa de suo fioleto, adesso a lontan nel Brasil,  e quel picolo gesto de amabilità fato de cuor, ga valesto de pi che mila parole. Dopo con serenità el ga dito:..Avanti tutiquanti, vigne magnar e cantar insieme de nostri bravi e par i bambini dolci e ciacolata e dopo femo una preguiera ala Madona, San Giuseppe e el Bambin Gesù, par che la pace ritorne al mondo.                                                                                                                                                           
   Ademar Lizot.

Ver toda a postagem/Vedere tutto ››

quarta-feira, 19 de dezembro de 2018

El ciuco e el caval - Raconti de fantàsima

Tradução desse conto aqui.

La stòria che vi conto incoi la se verìdica e la ga sucesso con me fradel Giovani. Cose dela nostra testa? Presensa del altro mondo? Questa risposta non gavemo, ma ndemo racontarla stesso.

... Giovani quando era zóvano gavea una morosa ntea cità. Due volte a la stimana lu ndea catarla.
E ze stato in una note freda e scura del inverno quando lu tornava casa che ga sucesso una cosa che me fa vegner sgrisoloni solche de parlar par voaltri, imaginarse star ensieme.

Lu con tre quatro giachete parvia del fredo tornava casa de moto soridente con i ùltimi ricordi dela tosata ancora in mente, forsi un baso, un strucou, una caressa, un... Ben! Chi conosse la strada RS 324 ntela cità de Três Palmeiras e anca el "antico Posto do Saugo" che incoi l'é de proprietà de Jair Silveira sà che par chi vieni nel senso Três Palmeiras-Ronda Alta, dopo del posto dela benzina ga una curva con bosco ntele due bande dela strada e tanto scuro soratuto a la note.

Ze stato in questa curva che lu pena dopo farla ga visto un uomo tirando via el so caval, desmontà zo e in meso a la strada, ntele due righe giale. In quel àtimo de secondo lu el ga pensà che fusse qualche ciuco gnanca bon de star montà ntel caval, suito el riduse la velocità, momento questo in che nel senso contràrio vin de riva in zo un camion con so luce forte e tanto svelto.

Bisogna vegner in mente che tuto questo ga sucesso in àtimi di secondi parché ga due curve una drio co'l altra. El uomo ancora in meso a la strada, me fradel già ben pian pian roba quase da fermarse e el camion non ga fato gnanca mension de frenar, el vegnea sempre piu svelto e el uomo scomìnsia ndar ancora piu drito al camion.

Quando me fradel se nicorda che non gavea gnanca tempo del camion frenar e gnanca del "ciuco" con so caval scampar via parché i zera a un metro un del'altro el sara i òcii par un àtimo par non veder el incidente, ma par sorpresa non si sente suono di freno gnanca di corneta, gnaca del caval o del ciùco... Gnente. El verze i òcci nantra volta e non ghe vede gnanca el ciuco e so caval, gnanca marca de sàngue o freno, e pò, gnente. Ze stato come se soltanto lu gavea visto quela bruta roba.

El riva casa gialo come una candela e sudea fredo. Come go dito prima mai saveremo cosa ga sucesso, ma che qualche cosa ga sucesso questo le vero.

Por: Jaciano Eccher
Ver toda a postagem/Vedere tutto ››

sábado, 15 de dezembro de 2018

Santa Madre Paulina - Ademar Lizot

Ascoltemo el pròprio Lizot con la stòria:
                                   
                                  Santa Madre Paulina

    Co l`anima piena de umiltà e rispeto ghe conto un pochetin dela stòria de Madre Paulina, una ànima piena de santità, che gaveva l`é tre più bele virtù de un cristian, La credensa in Dio, la speransa e la carità, credensa in Dio e so bontà sensa fin, la speransa de un mondo mèio e la carità, la regina de tute l`é virtù
     Amábile Lúcia Visentainer, insieme de so fameia  ga partì d`Itália, in Vígoto Vattaro, quando la gaveva diese ani de eta. Ancora de picinina, Amábile ga mostrà so santità e preocupassion con tutiquanti, sempre con atitùdine de umiltà e carità.
      La so volontà de servir se ga presentà dopo che Amábile, par tre note ga sognà co la Santìssima Madona, e cossi la ga realisà el ciamamento par scominsiar el suo capolaoro didicà a tute l`é persone. In 12 de giugno de 1890, Amábile e altra tosa de nome Virginia, co`l permesso dei genitori, l`é ga andato via de casa par andar de star nte un pìcola caseta, ntea località de Vigolo, munissìpio de Nova Trento/SC,  co`l ogetivo de tender una  malà,  la signora Angela Viviani.
      Co`l passar dei ani, Amábile e so grupo de seghidori, i ga conquista una pìcola casa ntel sentro dela cità de Nova Trento/SC, darente dela cesa paròchial. L`é sorele guadagnea aiuto dei benfatori dela quela época, però la so construssion zera pròpio sicura parvia de so laoro ntea colonia e la confession de fiori artificial e anca co`l afar dela cosidura de robe. Quela casa zera utilisata  par ricever i banbini òrfani de pare e mare, signore vècie, deficiente e dopo l`é ga verto una picola scola par insegnar el catecismo.
      Alora ntel giorno 25 de agosto de1895, el vesco Don José de Camargo Barros, ga ofissialisà el capo laoro de Amábile, che ga daventà una congregassion  religiosa. Cossì ntel ano de 1903, la sorela Amábile, adesso “Sorela Paulina del Cuor in Agonia de Gesù, l`é stata eleta  superiora dela congregassion par tuta la so vita, co`l titolo de Madre Paulina.
       Dopo co l`invito del petre Rossi, la ga svilupa el suo afar ala cità de San Paolo (SP), quando l`á ga guadagna un teren nte la frassion Ipiranga, co`l ogetivo de far la construssion de un laoro social ai povereti. Come Madre superiora general dela Congregassion dele Sorele dela Imaculata Conceição, intra dei ani de 1903 e 1909, Madre Paulina l`e stata vinsitora e impreditora, quando la ga realisà altre fundassion in San Paolo, compagno el asilo Benedeta Famìlia. Ntel ano de 1905 Madre Paulina ga comanda anca la Santa Casa de Miserìcordia de Bragança Paulista a cento Km dela capital, in 1909 ga scominsia la fundassion dela Santa casa de Misericòrdia, in ntea cità de San Carlo del Pinhal (SP).
        Ntel giorno 18 de otobre de 1991, nela cità de Florianópolis (SC), el Papa  Gioan Paolo ll ga presensià la serimònia de beatificassion de Madre Paulina e dopo nel giorno 19 de maio de 2002, in Roma, Itália, ga sucedesto la canonisassion dela Santa Paulina. Cossì Madre Paulina ga riussisto   suo nome  ntea lista de Santi e Sante co`l titulo de Santa Paulina del Cuor in Agonia de Gesù e ricognossesta come la prima Santa del Brasil.
  Ademar Lizot.


                                               Santa Madre Paulina
    
Com a alma plena de humildade e respeito lhes conto um pouquinho da história de Madre Paulina e sua santidade, pessoa possuidora das três mais belas virtudes humanas, a fé em Deus e sua bondade, a esperança de um mundo melhor e a caridade a rainha de todas as virtudes.
    Amábile Lúcia Visentainer e seus familiares partiram da Itália, em Vigolo Vattaro, quando ela tinha 10 anos de idade. Desde pequena, Amábile desmonstrava sua santidade e preocupação com o próximo. Ainda jovem alimentou e ocupou seus pensamentos com atitudes humildes e caridosas: ajudando no zelo da capela da sua comunidade e mais tarde cuidando de doentes e desfavorecidos da época.
     Sua vontade de servir surgiu após Amábile sonhar três noites consecutivas com Nossa Senhora, realizando o chamado para iniciar sua obra dedicada aos irmãos e irmãs. Em 12 de junho de 1890, Amábile e sua amiga Virginia saíram da casa paterna e foram para o pequeno casebre localizado em Vígolo, cidade de Nova Trento (SC), com a missão de cuidar uma doente a senhora Angela Viviani até o fim de sua vida.
   Com o passar do tempo, Amábile e suas seguidoras conquistaram uma pequena residência no centro de Nova Trento S/C, próximo da igreja paroquial. As irmãs recebiam ajuda dos benfeitores da época, mas a obra só era assegurada com o próprio trabalho na roça, com a confecção de flores artificiais e com o trabalho de costura. A nova casa foi utilizada para receber órfãs, mulheres de idosas, deficientes e também abriram uma pequena escola de catecismo. Até que no dia 25 de agosto de 1895, o bispo Dom José de Camargo Barros, oficializou a obra de Amábile como Congregação e em 1903, Irmã Paulina do Coração Agonizante de Jesus foi eleita superiora da sua congregação por toda sua vida, tornando-se Madre Paulina. Depois de um tempo, com o convite do padre Rossi, ela expandiu sua obra para o estado de São Paulo. As irmãs ganharam um terreno no bairro Ipiranga/SP, com o objetivo da construção de uma obra social, como é realizado até  hoje.
   Como superiora geral da congregação das irmãzinhas da Imaculada Conceição, entre 1903 e 1909, Santa Paulina foi vencedora e empreendedora, realizando novas fundações em São Paulo, como o asilo para velhos e inválidos, com o nome de “Obra para os pobres negros” e depois denominada “ Instituição da Sagrada Família”. Santa Paulina assumiu também em 1905 a Santa Casa de Misericórdia de Bragança Paulista.  Ao mesmo tempo iniciou a fundação da Santa Casa de Misericórdia, em São Carlos do Pinhal (SP).
     No dia 18 de outubro de 1991, na cidade de Florianópolis  (SC), o Papa João Paulo ll realizou a beatificação de Madre Paulina e depois no dia 19 de maio de 2002 em Roma, Itália, veia a sua canonização.  Assim Madre Paulina teve seu nome acrescentado na lista de Santos e Santas como Santa Paulina do Coração agonizante de Jesus, e sendo reconhecida como a primeira Santa do Brasil.

OBS... a base deste texto é a revista de Evangelização da Arquidiocese de Florianópois.

Ver toda a postagem/Vedere tutto ››

quarta-feira, 5 de dezembro de 2018

Finesa mai vista

Ascoltemo el Lizot:
 
Giovanni zera el nome de un tosat che ga nassesto e cressesto ntel interior stesso a me, e dopo de svilupàrsse fora, el ga anda via dela colonia, e ntea cità dopo de un per de ani, el se ga maridà co`una tosa dela capital, piena de lusso, de una finesa mai vista, caprissiosa, la zera sempre co l` robe tute a posto, zera de quele tose che pinta l`é òngine tuti giorni.


Una volta, nte un giorno, adesso de più de trenta ani fà, a Giovanni ga tocà de ospedar ntea so casa in Porto Alegro el pupà de suo pupà, 86 ani el gaveva de eta, però ancora in gamba. El suo nonino zera de quel tempo che se schissea l`ua co í pie, se beveva vin in caneche e se taiea tabaco co la brìscola, par dopo molar par ària na fumana dele pipade. L`éra un cristian de quel tempo indesmentegàbile in che í più vècii, qualchedun anca gaveva el àbito de mastegar el tabaco, par dopo s-ciupar par terá e par far el bagno , mèio dir lavarse, í ndea ntel rieto una volta al mese, fursi due, anca í zera tutiquanti persone dele man piene de calossità e l`é òngine sporche de tera, però co la ànima límpida e pura compagno l`aqua dela fontana. Alora come far par meter un omo cossì pien de simplissità e umiltà, conviver insieme de una dona de finesa mai vista?


Meno male che Giovanni el zera un giovenoto furbo e brau de spiegar l`é cose, alora con parole de dolcessa el ga dito a so doneta:.. Cara mia, te voglio tanto bene, tu sei la mia stela caduta del cielo e ancoi, ànima mea, voglio dirte che mio nonino bisogna vegner de star qua in nostra casa, par due o tre mesi. Cossì per carità, nò sta mea spaventarte, parvia che povereto l`é drio rivar al fine e anca nò sta mea preocuparte parche di de ancoi no`l beve pi caciassa gnanca vin, no`l mola pi par ària l`é fumane de so pipade, e soratuto adesso el ga acetà de lavarse ntel bagno ogni giorni. Penso mi che no`l ga pi gnanca un vìsio, fursi mastegar tabaco e dopo s-ciupar par tera.


Alora ntea una domènega de matina el nono ga ariva co suo capel negro in testa e la fàcia iluminata de serenità e pace, de scarpe lustre e fatiota nova, dopo co na granda elegansa ntel parlar, el ga saludà a Giovanni e so sposa. Due o tre mesi el ga vivesto nte quela casa in Porto Alegro e in questo pìcolo tempo, co so autentissità e sapiensa el ga mostrà la belessa de una ànima amiràbile e piena de semplicità e cossì el ga conquistà la simpatia de quela doneta de finesa mai vista e che suo sposo gaveva paùra che la vignesse fora dei sentimenti. Soratuto posso dir sensa paùra de sbàlio che la simplissità del nono ga porta al cuor de quela tosa de òngine sempre pintade, pi dolcessa e umiltà, parvia che l`é cose più bele del mondo sono quele de umiltà e autentissità.


Ademar Lizot.









Ver toda a postagem/Vedere tutto ››

txt

google.com, pub-2838464224155337, DIRECT, f08c47fec0942fa0