Vècio Ingegno - Fabio Dalló

 

VÈCIO INGEGNO.

Vècio ingegno, la ntel un canton, co le tole pien d`sfrese e mufa che i tanti ani gaveo pintà, sembra che aspeta qualchedun, tristo par esser da solo. Vècio ingegno, tante olte te ga varà la gente che vegnea su e do, vante e in drio, con la careta piena de cana di sucro, me par che ascolto ancora el nono ciamando fortemente i nome dei boi, come una machina de quel tempo, i boi zera rivai par scaricar una caretada di cana, dopo una a una la gente metea par strucarla e con suo "sàngue", la cagliera aspetava par far sucro, mel de ingegno e anca la caciassa, che al fin dea giornata del laoro, sempre se bevea un biceroto pura o col miel e limon o anca el BUGIO, Furse qualchedun cognosse, ma pochi mi credo.

Vècio ingegno, non sta mia piande. Tuo querto ze stato un refugio par tuti quei que bisognea laorar ntei giorni di sole o note di piova, fredo o saete. Le tue tole el ga protegesto tuti del vento forte e tempesta, sei proprio el sataron dei coloni.

Vècio ingegno, incoi non te vedo più. E come te, una vècia cansion che dise cosita : " Pàssano i ani e mi me resto vècio, devo aspetare rivar la mia ora " . Grassie tante vècio ingegno...

Fábio Dallò