La vècia - Ademar Lizot

Clica qua, par ascoltar/scaricar el àudio.

La Vècia

Texto - Adamar lizot
Revisão - Jaciano Eccher

Una volta, intanto che un tocon de legno el se finia fora ntele bronse del fogolaro, el me beato fradel el me ga dito che, là par i ani 60, gavea ntela cità de Soledade, na cartomante cola fama de indovinar el futuro. Rosària la se ciamea, ma come squasi nissuni savea dir el so nome, i la ciamea solche de: “La Vècia”.

Nte quel tempo, se anca la gavea depì de 70 ani de età, la fea ancora na gradévole figura, de cavei ben petenadi e pienamente bianchi e òcii pienamente negri, co na certa teneressa sconta. La vivea nte na casota, sensa visini darente. La so ùnica compagnia zera un gatin tuto negro. Ciare persone la visitea, parché, nte quei ani de na certa gnoransa, gavea de quei che i gavea paura che la ghe fea el mal dei òcii e, anca de quei che, par via del so gatin negro, i catea che la zera na strega, ma al contràrio, mal nissun la perpetrea, in realtà semplicemente la gavea el dono de leser le carte, interpretar i sogni e, anca de saver doperar le erbe medissinal, par ristabelir la salute dele persone.

I pi vècii i disea che, quando la zera gióvana la ga fato el laoro de levatrisse e che, tanti bambini dele mame pì pòvere, la ga aiutà a nasser. I contea che una volta, nte na situassion de emergensa, sensa fòrbese e sensa cortel, la ga taià co`i denti, el cordon del bunìgolo del pena nato.

Quando la ndea in giro, la camineva col aiuto de un baston. Qualchedun, rispetosamente la saludea, ma anca gavea de quei che, i girava el col de altra banda, come se i gavesse buo schifo de trovarla. I tosatei spauradi i se schivea quando la passea e quei dispetosi i ghe ridea adrio. Ma in soma la maioransa dele persone la ghe volea ben, e tante fameie al nasser un bambin, i la ciamea par predire el futuro. Alora la tegnea el pena nato ntei brassi, vardea i so òcii e sentensiea:

‘- Diventarà na bela tosa e se sposerà con fiol de siora fameia!’

‘- Diventarà un belo toso, el ga da esser un soldadin, o un brau avocato!’

Con depì de 90 ani de età ze partio quela dona de voce forte che, pensea prima de parlar. Che gióvana ntele note de luna piena, par i campi la caminea e, de vecieta solche ntela solitùdine dela matina, la zera contenta. Par aiutar i altri e, anca par coionar i agrori dela vita, la ga sognà de viver par cento ani, parché se anca la gavea i òcii meso storti, non la gavea mia paura dela morte.

A velha

A Velha - Uma vez, enquanto um pedaço de lenha ia se consumindo nas brasas do fogão a lenha, meu saudoso irmão me contou que, lá pelos anos 60, havia na cidade de Soledade uma cartomante com fama de adivinhar o futuro. Rosária era o seu nome, mas como quase ninguém sabia dizer seu verdadeiro nome, a chamavam apenas de: “A Velha”.

Naquele tempo, mesmo já tendo mais de 70 anos de idade, ela ainda tinha uma aparência agradável, de cabelos bem penteados e completamente brancos, e olhos totalmente negros, com uma certa ternura escondida. Vivia em uma pequena casinha, sem vizinhos por perto. Sua única companhia era um gatinho todo preto. Poucas pessoas a visitavam, porque, naqueles anos de certa ignorância, havia quem tivesse medo de que ela lançasse mau-olhado e também aqueles que, por causa do seu gato preto, acreditavam que ela fosse uma bruxa. Mas, ao contrário, ela não praticava maldade alguma. Na verdade, simplesmente tinha o dom de ler cartas, interpretar sonhos e também sabia usar ervas medicinais para restabelecer a saúde das pessoas.

Os mais velhos diziam que, quando era jovem, ela havia trabalhado como parteira e que ajudou muitos filhos de mães mais pobres a nascerem. Contavam que certa vez, numa situação de emergência, sem tesoura e sem faca, ela cortou com os dentes o cordão umbilical do recém-nascido.

Quando saía pelas ruas, caminhava apoiada em um bastão. Algumas pessoas a cumprimentavam com respeito, mas também havia aquelas que viravam o rosto para o outro lado, como se tivessem nojo de encontrá-la. As crianças assustadas se afastavam quando ela passava, e os mais maldosos zombavam dela pelas costas. Mas, no fim das contas, a maioria das pessoas gostava dela, e muitas famílias, ao nascer uma criança, a chamavam para prever o futuro. Então ela segurava o recém-nascido nos braços, olhava em seus olhos e sentenciava:

‘- Vai se tornar uma bela moça e se casará com filho de família rica!’

‘- Vai se tornar um belo rapaz, nasceu para ser soldado ou um grande advogado!’

Com mais de 90 anos de idade, partiu aquela mulher de fala firme, que pensava antes de falar. Quando jovem, caminhava pelos campos nas noites de lua cheia e, já velhinha, sozinha na solidão das manhãs, ainda era feliz. Para ajudar os outros e também para suportar as amarguras da vida, sonhou viver cem anos, porque mesmo tendo os olhos meio tortos, ela não tinha medo da morte.